Lee - Scarlett

Þetta er hið klassíska snið sem við höfðum leitað að lengi en ekki fundið - þar til í september 2012.  Vinsældirnar hafa ekki látið á sér standa.
Okkur þykir frábært að geta boðið viðskiptavinum okkar upp á buxur sem eru flottar, klæðilegar, þægilegar og ná vel upp á mitti. 
Þegar maður prófar þær einu sinni er ekki aftur snúið.

Já, ég held að margar ykkar sem hafa hitt mig niður í búð hljótið að hafa hugsað að ég sé galin þegar ég segi að ég gekk samfleytt í  þeim í þrjár vikur! En svo verð ég pínu fegin þegar ég hitti ykkur aftur að kaupa annan lit þar sem þið segið mér sömu sögu og ég sagði ykkur.
Það sem á sennilega stóran þátt í þessari velgengni er teygjan í efninu. Gallaefnið í buxunum er kallað deluxe stretch af því það er svo ótrúlega góð teygja í þeim sem heldur teygjanleiki sínum þrátt fyrir notkun út í hið óendanlega. 
Merkilegast þykir mér þó að sama hvort við erum litlar og nettar, með rass og læri eða einhvers staðar þarna á milli, þá virðast þær höfða til flestra kvenna.
Í dag fengum við svo dásamlega nýja liti sem klæða sumarið og sálina einstaklega vel.
Kveðja
Sólrún

Hafið þið séð auglýsinguna frá Dove þar sem teiknari rissar upp mynd (þið veriðeiginlega líka að horfa á videoið) af konum út frá þeirra eigin lýsingu og svo  annara?  Já, útkoman er rosaleg og sýnir svart á hvítu hvað konur eru gagnrýnar á eigið útlit og gefa sér miklu minna hrós en þær eiga skilið.

Eftir að ég byrjaði að vinna hjá Andreu tók ég akkúrat eftir þessu. Hvað konur eru ótrúlega gagnrýnar á eigið útlit og sjá sjálfar sig ekki í réttu ljósi - að rassinn er alltof stór, hnén misstór, brjóstin of lítil eða stór, hendurnar of langar eða breiðar.  Þetta eru allt hlutir sem ég hef heyrt viðskiptavini okkar segja um sig sjálfa, í staðinn fyrir að velta fyrir sér hvort sniðið henti hreinlega ekki eða fókusa á kostina okkar.  Ég er enginn Dr. Phil og er sjálf sek um svona hugsunarhátt.

Er ekki kominn tími til að byrja daginn á því að vera bestu vinkonur okkar sjálfra og segja alla þessa fallegu hluti sem við segjum við aðra við okkur sjálfar?
Lífið væri nefnilega ekki svona skemmtilegt ef allir væru eins !

Hér er  videoið: 
DOVE REAL BEAUTY SKETCHES

(Fyrri myndin er eins og hún lýsir sér sjálf og seinni eins og einhver annar lýsir henni )

KV

Sólrún

Með gleði í hjarta langar mig að deila með ykkur að klúturinn okkar "Stella" sem er mér og mörgum svo kær er nú fáanlegur í Saga shop/ Icelandair.
Við gerðum tvær týpur af honum bara fyrir Icelandair (þeir eru sem sagt ekki til hjá okkur í Andrea boutique).  Önnur er svört sem er alveg nýtt :) en með borðum í öllum regnbogans litum en hin er meira "summer" í dásamlegum litum með gráum borðum og gráu kögri (sjá myndir).  Þeir kosta kr 12.700.- í háloftunum.

(mynd úr Saga shop bæklingnum)  

Fyrir þá sem ekki vita heitir þessi klútur "Stella" til heiðurs og í minningu um Stellu Víðisdóttur.  Ég kynntist henni lítilega á hennar stuttu ævi en nú síðar hef ég verið svo heppin að kynnast aðeins fjölskyldu hennar og þá aðalega systur hennar Halldóru (sem er fallega stelpan á myndunum hér fyrir neðan).  Stella var sem sagt ein af þessum mörgu dásamlegu kúnnum sem ég hef eignast í starfi mínu, hún lét lífið langt fyrir aldur fram eftir erfiða baráttu við krabbamein aðeins 24 ára gömul.  Hún festi sig strax í huga mér þessi rauðhærða fallega baráttukona og tískudíva.

Svo var það einn daginn á vinnustofunni að ég var full af eldmóð að klippa og sauma saman allskonar efni, borða og kögur og gerði að mér finnst einn fallegasta klút sem ég hef gert.  Ég veit ekki afhverju en Stella sjálf var ofarlega í huga mér þennan dag, mér fannst klúturinn svo ekta hún,  litríkur, fallegur og glaður svo úr varð að hann fékk þetta fallega nafn sem passar svo vel.

Ég hef fengið margar fyrirspurninr varðandi þennan klút, og fengið að heyra margar sögur af Stellu frá vinum og ættingjum, það er greinilegt að hún hefur snert mörg hjörtun þessi stelpa.  Eins halda margir að Stella sé eithvað nýtt merki og enn aðrir hafa spurt mig...  "Stella? Stella McCartney eða?"  Og svarið er Nei "Stella Víðis" :) 

Í dag er ég svo þakklát og glöð að Stellurnar haldi á vit ævintýranna og fljúgi á alla áfangastaði Icelandair næstu mánuðina, það er eithvað svo mikið STELLA.

Hér fyrir nðean eru svo myndir af Halldóru systur Stellu með stelluklúta sem við vorum með síðasta sumar/haust (þessar týpur eru ekki til núna), en fallegra módel hefði ég ekki getað fundið :) 

Pjé ess.... varð að leyfa þessari að fljóta með - þær eru svo líkar systurnar á henni <3

myndir: Aldís Páls.. www.paldis.is

 
xxx
Andrea 

Það er svo mikið vor í loftinu og þá einhvern veginn lifnar yfir öllu. Við konurnar færum okkur úr svarta litnum yfir í allskonar litadýrð.  Já, það verður allt einhvern veginn svo miklu skemmtilegra þegar litirnir taka völdin og sálin fer að dansa.
Langaði til að benda ykkur á nokkra hluti sem mér þykir sjálfri mjög spennandiog langar til að fjárfesta í.

Armband frá 4949  eftir Dröfn eða DD Unit sem margir ættu að kannast við úr útvarpinu, hún gerir dásamlegar hálsfestar og armbönd. Fallegir glitrandi steinar sem fara vel við allt og setja punktinn yfir i-ið.  Skartið frá 4949 er kannski ekki það ódýrasta í bænum en það er hverrar krónu virði, amk nota ég mínar festar daglega og þegar svo er finnst mér ég gera góð kaup.

Nýji mineralized farðinn frá MAC hefur fengið gott lof og sagður vera léttur og gefa húðinni hlýtt, fallegt og geilsandi útlit. Hljómar eins og hinn fullkomni sumar farði og ég hlakka til að prófa þennan.

Extra Bright línan frá Bobbi Brown hefur líka vakið eftirtekt og skal engan undra.  Allt sem ég hef prófað frá Bobbi Brown er solid og stendur undir nafni.

Töskur í lit! Það er svo skemmtilegt hvað allt er leyfilegt í tískunni í dag og hvað það ríkir mikil litadýrð alls staðar. Ég ætla að taka þetta alla leið og fá mér eina í trylltum lit.

xxx
Sólrún 

Hinn fullkomni kjóll?
Uppskrifin er frekar einföld en útkoman er dásamlegur kjóll sem virkar í brúðkaup, kokteilboð eða kvöld með stelpunum. Við fengum nokkur eintök af þessum kjól fyrir jólin og hann kláraðist fyrst í stærðum L & XL. Fyrir mér segir það allt sem segja þarf…. Hann er einfaldlega bootielicious! - Kamelkjóll sem hægt er að nota aftur og aftur, og tekur á sig misjafnar myndir eftir því hvaða skart við setjum með honum, falleg slá og sokkabuxur. Þessi er mitt val fyrir brúðkaupin í sumar og jesús hvað ég hlakka til að klæðast þessri gersemi!

Sólrún 

Nú síðast fengum við hann í grænu og fl litir koma á næstunni. (kr: 21.900)